domingo, 6 de maio de 2007

la suerte



Fierro ente los deos
tien la suerte,
alma d'aigla
préndela
pa ti.

Vien del ríu,

caricia la so mirada
d'arena per onde anda,
búscate si la busques.

Ye nueva la suerte

siempre, naide afayó
enxamás la so cubil
secreta alló, no fondo
el monte,
naide sabe
el so otru nome.

La suerte

xuega namás
con dellos
que s'enfoten
nes sos macanes
de terciopelu,
nos que cuenten
les sombres
mano a mano
con ella.

Escueye y salva

o abandona-
como l'amor
nun pasa dos veces
pel mesmu camín.