quarta-feira, 25 de julho de 2007

esa lluz que naide mata

Mira arriba
esgatuña na rede
que texe implacable
el futuru
como una araña.

Mira arriba
la lluz,
alienda el so fulgor
enforma llonxanu
dexa que te ciegue
mientres
caen al to llau
les povises
de Dios.

Mira arriba los güeyos azules del remordimientu,
mientres caen al to llau
los carbayos más firmes,
la sombra vencía de los meyores
que contigo fueron.

Mira arriba
dexa que te ciegue esa lluz
que naide mata.