la fiesta revéngana

Los díes que vivimos
escuéndense
tres les sos mázcares de cristal,
malpenes un pingu d'orpín
delata el so calor llonxanu,

cuspe
tamién la memoria
nes manes
del sepultureru,
sollivia
les angüeñes
de la esperiencia,

los viaxes,
les torres furruñentes,
la escuma ensucho
de los cielos grises,
deféndennos de la mala sombra
como amuletos,

rescalven nel whisky
como alicornios
de pasar l'agua
tolos díes disfrazaos
de díes felices,
la so preciosa fiesta
revéngana.