brindis

Peruquiera vayas
en díes claros
o nublos -como aquellos,
nos que vivimos
detrás d'una ventana
rota-

alló, peralló,
si hai camín,
una fonte, un cuartu
afayadizu,

peruquiera vayas
dexando rastru
na lluz de les ortigues,
esborriando'l regueru
de la mala suerte,

alló, peralló, onde
t'escuendas
na mázcara del vientu
o nel focicu d'un tigre,
na sombra
de ti mesmu
alza los güeyos
brinda
por tolos caminos,
por toles tumbes.